返新工好好好忙呀 ~ 第一日唔水OT, 第二日OT到9點, 第三日都差唔多時間呀!!!

自從開始返新工就發覺d時間越來越唔夠用, 最好1日有36小時(應該都夠既), 我最怕就係連我打xanga的時間都冇埋就慘慘慘啦!!(絕對唔希望唔會有咁既一日) 新的工作真的令我少左好多時間打xanga唔係一個問題, 而係我除左返工之外就諗唔到有咩話題打落xanga同大家分享, 怕到時我只會不斷..不斷..再不斷的重覆...重覆...又重覆寫公司的話題呀就唔好啦!!

如果我到時真係得咁好少時間去打xanga或者冇時間打xanga的話, 妳會唔會嬲我呀??(但我仍然會留意住妳xanga的一舉一動)

點解我今日會唔開心o既, 打機都會唔開心....唉(一言難盡)

友人的心情平伏了, 而我就好似恆生指數一樣(大上大落)

人地話拍拖心情會特別好, 因為拍拖係好sweet sweet, 但係我就唔知自己究竟係唔係拍拖(正確d講~唔係, 因為完全唔似) 其實拍拖係咩呢??

女朋友想男朋友點對佢, 咁當然凡事以佢為先. 咁點先可以滿足到女朋友呢?? (一)你要疼錫佢.      (二)你只愛佢一個. (三)什麼事都會係佢身邊, 由其係佢唔開心的時侯. (四)安全感.. (五)佢的要求我要做到..[否則唔好口輕輕答應] ---------- 我自問以上五點全部都做得到, 但係佢仍然唔開心.....??

不如妳話我知我究竟須要點做至令妳開心又或者令妳對我的態度改變?? 我知妳好唔開心 ~ 我又何嘗唔係呢. 就好似今日見到妳同妳一齊座巴士返o黎應該開心, 但當我見到妳的表情就知有d嘢喎!! 我嘗試過問妳, 妳就話冇事. 妳唔開心我盡量令妳笑, 咁我呢邊個可以關心我呀?? (我真係好辛苦, 但我又真係鍾意妳) 妳教我可以點呀??

"一廂情願" ~ 係唔係形容得我最貼切呢!!